Tu kaheen bhi rahe

0
39

tu kaheen bhi rahe sar pe tere ilzaam to hai
tere haathon ki lakeeron main meraa naam to hai

mujh ko tu apnaa banaa yaa na banaa teree Khushi
tu zamaane main mere naam se badnaam to hai

mere hisse main koi jaam na aayaa na sahi
teri mehfil main mere naam koi shaam to hai

dekh kar log mujhe naam teraa lete hain
is pe main khush hoon muhabbat kaa ye anjaam to hai

vo sitamgar hi sahee, dekh ke usko abhi bhi
shukr hai is dil-e-bimaar ko aaraam to hai

LEAVE A REPLY

Please enter your comment!
Please enter your name here