Dil ko kisi anjaane se mod pe laakar wo
tanhaa toot jaane ko chhod gaye hain
vaapas lautoon yaa aage chaloon mai kya karoon
wo meri har raah ko andhere se jod gaye hain..!!
Raahein aage badhne ko kadmo ki mohtaaj hain
lekin kadam khud hi bhatke huye se hain
in veeraaniyon mein zubaan bhi naasaz hain
alfaaz jaise gale mein atke huye se hain
wo jaate jaate mera naata jaise
khud muzhse bhi tod gaye hain ..!!!
Ummeedein hamein dekhkar chhup jaati hain
bikhar jaate hain armaan sabhi
yeh kiski nazar lagi hai khushiyon par
yaa hamein pyar ki pehchaan na thi
sab ilzaam mujhpar chhod kar
wo bedaag chaadar odh gaye hain
No comments:
Post a Comment