ek baar kaho tum meri ho
main baithi door jharokhe me
ek preet liye man me teri
tu kab sajan ab samjhega
aankhon ki bhasha meri
meri deed bhi tu meri idd bhi tu
par kah na sakun main teri hun
ik baar jo main ye kah paati
to teri ban ke rah jaati
main dil se bas teri hi rahi
par honto se na kah paai
tum mere deepak ban ke jale
un tanhaai ki raton me
jab neend nahi thi aankho me
aur dil me koi khwab na tha
saawan ke har ik baadal me
maine tumko hi dekha hai
kya kahun ki mere haathon me
ek tanhaai ki rekha hai
mere roop pe dhoop padi jab jab
tu saya banke chhaya hai
har shaam bhi tujhko yaad kiya
ik pal me sou sou baar kiya
par kah na saki ki teri hun..
No comments:
Post a Comment