Zindagi hai nadan

Zindagi hai nadan isiliye chup hoon
Dard hi dard subah shaam isiliye chup hoon
Keh du zamane se dastan apni
Usme aayega tera naam isiliye chup hoon

Mom ki tarha

Mom ki tarha pighalte hue dekha usko,
rut jo badli to badalte hue dekha usko,
woh jo kanton ko bhi narmi se chhua karta tha
ham ne phoolon ko masalte hue dekha usko

Apno ne zehar

Apno ne zehar ka jaam de diya,
Gairoon nay bewafa naam de diya,
jo kehte the hame bhool na jana,
Unhi ne bhoolne ka paigam de diya.

Badle the woh

Badle the woh, mausam hame keh gaye
achhe the woh, bura hame keh gaye,
hamne toh ki thi har pal wafa unse,
nibhai khud se na gayi toh, bewafa hame keh gaye

Hum har baat

Hum har baat jinhe dil ki batate rahe,
Woh chahte the kya humse Chhupate rahe,


Humne bahut koshish ki unhe samajh paane ki,
Woh hamare har faisle ko uljhaate rahe,


Humne pyar mein unke paana chaha Sukun,
Woh har kadam pe humko tadpate rahe,


Jagah nahi badli unke Intazaar ki,
Us jagah ab shaks naye aate rahe,


Us nazar mein kabhi ek Jhalak thi hamari,
Yehi sochkar dil behlate rahe,


Jinke dil mein jagah na Thi hamare liye,
Hum unki yaadon ko dil se lagate rahe,


Unhe bhool Paane ki ek nakam koshish mein,
Unhe yaad karke unko bhulate rahe

unki dosti ke

unki dosti ke abhi nishaan baaki hain,
naam lab par hai aur jaan baaki hai,
jaane kya hua , ki dekh kar muh pher lete hain vo,
tasalli hai ki shakl ki pehchan baaki hai.

Fareb tha unki

Fareb tha unki hasi me,aashiqui samaj baithe.
Maut ko hum apni zindagi samaj baithe.
Yeh waqt ka majak tha ya hamari badnasibi,
Unki do baaton ko mohabbat samaj baithe...

Dil ke kareeb

Dil ke kareeb aake jab wo door ho gaye,
Saare haseen khwab choor-choor ho gaye,
Humne wafa nibhayi to badnami mili,
Aur woh bewafai karke bhi mashoor ho gaye....